नारायणगढ–मुग्लिन सडकमा पुनः पहिरो खस्दा बाटो अवरुद्ध

न्युजमधेस डेस्क
साउन १८ गते।
चितवनको नारायणगढ–मुग्लिन सडकको भरतपुर महानगरपालिका–२९ मौरीखोला पुलमा गएराति फेरि पहिरो खसेपछि बाटो अवरुद्ध भएको छ।

२३ घण्टापछि मंगलबार राति पौने १० बजे पहिरो हटाएर सवारी आवागमन सुचारु गरिएको थियो। तर सोही स्थानमा राति साढे दुई बजेतिर पुनः पहिरो खस्दा सडक अवरुद्ध भएको हो।

भारतीय नम्बर प्लेटको एउटा मिनी ट्रकमा पनि सामान्य क्षति पुगेको छ। मौरीपुलमा सोमबार राति ११ बजे पनि पहिरो खसेको थियो।