न्यूजमधेश डेस्क
जनकपुरधाम,१७ भाद्र।सप्तरीको बलान बिहुल गाउँपालिकाको चन्हीमा विद्यालयको नयाँ भवन शिलान्यास गरिएको छ।गाउँपालिका वडा नं.२ चन्हीमा रहेको राष्ट्रिय प्राथमिक विद्यालयको नयाँ भवनको गाउँपालिका अध्यक्ष खेमचन्द्र यादवले शिलान्यास गरेका हुन।
अध्यक्ष यादवले पालिकामा शैक्षिक स्तर उकास्न आफु प्रतिवद्व रहेको बताए । उनले विद्यालय शिक्षाको मन्दिर रहेको विकासका लागि सबै दल एक हुनुपर्ने बताए । एक वर्ष भित्र निर्वाचन कार्यसम्पन्न हुने गरि योजना रहेको उनले बताए।
राष्ट्रपति शैक्षिक सुधार कार्यक्रम अन्तर्गत कुल ३६ लाख बजेटमा एक तल्ले ४ कोठाको विद्यालय भवन बन्न लागेको विद्यालयमा व्यवस्थापन समितीका अध्यक्ष रामकुमार मण्डललेबताए ।
विद्यालय भवन शिलान्यास कार्यक्रममा कार्यपालिका सदस्य सन्तोष साह,जिल्ला समन्वय समिती सप्तरीका सदस्य बिजलाल,स्थानीय बुलायी चौधरी ,असर्फी साह,गया प्रसाद गुप्ता ,पुर्व गा.बि.स उपाध्यक्ष सत्ना मण्डलसहितको स्थानीय समाजसेवी ,बुद्धिजीवी ,युवा ,विद्यार्थी र अभिभावकहरुको उपस्थिति रहेको थिए।विद्यालय भवन निर्माण हुन लागेपछि चन्हीका स्थानिय हर्षित भएका छन् ।
