न्यूजमधेश डेस्क
काठमाडौं,२७ मङ्सिर । आमनिर्वाचनमा स्वतन्त्र रुपमा चुनाव जितेका प्रभु साह, अमरेश सिंह, किरण साह र योगेन्द्र मण्डलले नयाँ पार्टी गठन गर्ने तयारी गरेका छन् । स्वतन्त्र सांसदहरुबीच नयाँ दल गठन गर्ने विषयमा छलफल सुरु भएको छ ।
स्वतन्त्र सांसदहरू रौतहट-३ का प्रभु साह, रौटहट-२ का किरण साह, मोरङ-५ का योगेन्द्र मण्डल र सर्लाही–४ का अमरेश सिंहबीचकाे छलफलले नयाँ पार्टी गठन गर्ने निर्णय गरेकाे हाे ।
यस विषयमा जनमत पार्टीका राष्ट्रिय अध्यक्ष डा .सीके राउत र नागरिक उन्मुक्ति पार्टीका रेशम चौधरीसँग पनि छलफल भइरहेको सिंहले बताए ।
सिंह नेपाली कांग्रेसले टिकट नदिएपछि स्वतन्त्र लडेर सांसद भएका हुन् । साह माओवादी हुँदै एमालेमा गएका थिए । उनले मंसिर ४ को संसदीय चुनावमा एमालेकाे टिकट त्यागेर स्वतन्त्र रुपमा लडेका थिए ।
रौतहट-२ बाट निर्वाचित किरण पनि प्रभु शाह निकट हुन् । मण्डल एमालेले टिकट नदिएपछि मोरङ-५ मा स्वतन्त्र उम्मेदवार उठेका थिए ।
