न्यूजमधेश डेस्क
सप्तरी ,५ फागुन।सप्तरीमा पानी परीक्षण घुम्ती सेवा शुरुवात गरेका छन् ।जनमत पार्टीको राष्ट्रिय अध्यक्ष डा.सीके राउतकाे नेतृत्वमा तिलाठी काेइलाडी गाउँपालिका वडा नं. २ लाैनियाँबाट संघीय खानेपानी तथा ढल व्यवस्थापन आयाेजना अन्तर्गतको पानी परीक्षण प्रयाेगशाला जनकपुरकाे टाेलीद्वारा साे सेवा शुरुवात गरेकाे हाे ।
शुक्रबार दलान दलिल अभियान अन्तर्गत क्षेत्र नं. २ बाट निर्वाचित मा. डा. राउत र मा. सतिश कुमार सिंहले निर्धारित कार्यक्रम अनुसार विभिन्न गाउँहरुमा स्थानीयहरु संग भेटघाट गर्दै सर्वदलीय, सर्वपक्षीय छलफल गरि विभिन्न याेजनाहरु माग समेत गरे ।
मधेपुरा, कट्टी, बनरझुला, टिकुलिया, बरसाईन, कुसहा, सकरपुरा, बेल्ही, लौनियाँलगायतकाे गाउँकाे स्तराेन्नतीका लागि समस्या तथा याेजनाहरु संकलन गरेको जनमत पार्टी तिलाठी काेइलाडी गाउँपालिका अध्यक्ष सुशील कुमार मण्डलले बताए ।
घुम्ती सेवा विभिन्न गाउँहरु हुँदै जानुका साथै कल वा धाराको पानी पिउन योग्य भए नभएको सबैलाई जाँच गराउन डा. राउतले आग्रह गरे ।
‘लाैनियाँकाे विभिन्न १० वटा कलबाट पानी संकलन गरि जनकपुर स्थित कार्यालयमा ल्याब जाँच गर्ने’ केमिस्ट सुनिल चाैधरीले भने- ‘स्वास्थ्य चाैकि लाैनियाँकाे कार्यालय नजिकै रहेकाे कलबाट लिइएको पानी जाँच गर्दा ०.००६ एम.जी./ली. मात्र आर्सैनिक भेटीएकाे हाे । पानी खाने याेग्य रहेको उनकाे भनाइ थियो ।
साे पानी जाँच हुने ल्याब प्रत्येक जिल्लामा हुनु आवश्यक रहेकाे तिलाठी काेइलाडी गाउँपालिका २ काे वडा अध्यक्ष कमल कुमार मण्डलले बताए ।
