जनकपुरधाम,११ असार।धनुषामा एक जना प्रधानाध्यापकलाई सरुवा गर्न लागेको खबर विद्यार्थीले पाएपछी विरोध प्रदर्शन गरेका छ्न।
जिल्लाको औरही गाउँपालिकाको झिटकहियास्थित रहेको रामजानकी माध्यमिक विद्यालयको प्राधानाध्यापक मदन कुमार महरालाई राजनीति चलखेल गरि विद्यालयबाट सरुवा गर्ने खेल सुरु भएको भन्दै सो विद्यालयमा अध्यनरत विद्यार्थीहरुले आन्दोलनमा उत्रिएका हुन।
उनिहरु सोमबार बिहानैदेखि जनकपुरधाम–यदुकूहा सडकखण्डमै पर्ने झिटकहियास्थित विद्यार्थीहरुले आगो बाले प्रदर्शन गरिएको हो।
उक्त आन्दोलनमा सहभागी विद्यार्थीहरुले ‘मदन सरलाई – सरुवा गर्न पाइदैन ,अरु प्राधानाध्यापक – चाहिदैन,शिक्षामा राजनीति गर्न- पाइदैन ,हामीलाई मदन सरनै -चाहियो’ जस्ता नाराहरु लगाउदै टाइर बालेर प्रदर्शन गरिरहेको हो। अहिले जनकपुर–यदुकूहा सडक तनावग्रस्त बनेको छ।
