वीरगञ्ज,२१ असार। बाराबाट प्रहरीले एक क्विन्टल ६८ केजी गाँजा बरामद गरेको छ ।
प्रहरीले बाराको कोल्हवी नगरपालिका–५ सोनाभार टोलमा रहेको जितेन्द्र चौधरीको घरबाट उक्त परिमाणको गाँजा बरामद गरेको हो ।
घरमा गाँजा लुकाई राखेको सुचनाको आधारमा ईलाका प्रहरी कार्यालय कोल्हबीबाट प्रहरी निरीक्षक भोलामान सिंह अधिकारीको कमाण्डमा खटिएको प्रहरी टोली चौधरीको घर पुगेको थियो ।
घरमा कोही नभएको बेलामा स्थानीय जनप्रतिनिधिको रोहबरमा खानतलासी गर्दा घरको कोठामा लुकाई राखेको अवस्थामा एक क्विन्टल गाँजा बरामद गरेको बाराका प्रहरी प्रबक्ता डिएसपी पुरुषोत्तम पाण्डेले जानकारी दिए ।
गाँजालाई ईलाका प्रहरी कार्यालय कोल्हवीमा राखिएको तथा घरधनी चौधरीको खोजी कार्य भइरहेको पाण्डेले बताए ।
