जनकपुरधाम।डा. सिके राउत नेतृत्वको जनमत पार्टीले स्वाराज आन्दोलनका प्रथम सहिद राममनोहर यादवको दोस्रो स्मृति दिवसमा श्रद्धाञ्जली कार्यक्रम सहभागी हुन आग्रह गरेको छ।
स्वराज आन्दोलनका प्रथम सहिद राममनोहर यादवको दोस्रो स्मृति दिवसमा श्रद्धाञ्जली कार्यक्रम सहभागी हुन सम्पूर्ण पार्टी ,संघ संगठन ,विद्यार्थी ,युवा,किसान वकिल,बुद्धिजीवी ,नागरिक समाज तथा न्यायप्रेमी जन्ता संग जनमत पार्टीले आग्रह गरेको छ।
प्रहरी हिरासतमा मृत्यू भएका तत्कालिन स्वतन्त्र मधेश गठबन्धनका नेता राममनोहरको स्मृति दिवसमा जनमत पार्टीले भदौ १५ गते मधेशका प्रत्येक जिल्लामा श्रद्धाञ्जली कार्यक्रम आयोजना गर्न लागेको जनमत पार्टीले बताएको छ।
त्यसैगरी जनमत पार्टी सिरहाले आयोजना गर्न लागेको श्रद्धाञ्जली कार्यक्रममा रक्तदान पनि गरिनेछ । उक्त कार्यक्रम गोलबजारस्थित उद्योग वाणिज्य संघ सभाहलको प्रांगनमा गरिने पार्टी केन्द्रिय सदस्य तथा सिरहा जिल्ला ईन्चार्ज राजकुमार यादव (त्यागी) जानकारी दिएको छ।
ईन्चार्ज यादवले भने स्वराज आन्दोलनका प्रथम सहिद राममनोहर यादवको सम्मान एवं सम्झनामा श्रद्धाञ्जली र रक्तदान कार्यक्रम गर्न लागेको उनले बताए।
सहिद यादवको सम्मान तथा सम्झनामा स्मृति दिवस मधेशभर नै विभिन्न जिल्लामा कार्यक्रम आयोजना गरी मनाइने जनाइएको छ ।
