०८ मंसिर २०८१, आइतबार
24-11-2024 , Sun
×

मिर्चैयाका युवा नेता अंजय साह जनमतमा प्रवेश, यस्तो छ उनको विगतको योगदान

Logo
newsmadhesh प्रकाशित शुक्रबार, साउन ०५, २०८०

जनकपुरधाम,५ साउन । मिर्चैयाका युवा नेता अंजय कुमार साह जनमत पार्टीमा प्रवेश गरेका छन् । पार्टीका राष्ट्रिय अध्यक्ष डा. सीके राउतले उनलाई काठमाडौंस्थित केन्द्रीय कार्यालयमा एक कार्यक्रमबीच पार्टीमा प्रवेश स्वागत गरेका हुन् ।

पार्टीको कार्यशैलीप्रति असन्तुष्टि जनाउँदै उनी केही महिनाअघि मात्र जनता समाजवादी पार्टी, नेपालबाट अलग भएका थिए । जसपामा उनी केन्द्रीय नेता राजकिशोर यादवको निकट भएर काम गरेका थिए ।

यसबीचमा स्वतन्त्र रहेर राजनीतिक गतिविधि गर्दै आएका उनी अन्ततः आज मधेशमा वैकल्पिक शक्तिको रूपमा उदाएको जनमत पार्टीमा प्रवेश गरेका हुन् । जनमत पार्टीप्रति जनताको आकर्षण देखेर र अध्यक्ष डा. राउतको विचारबाट प्रभावित भएर आफू जनमतमा आएको साहले बताए ।

साह मिर्चैया खानेपानीका निर्वाचित अध्यक्ष पनि हुन् । उनी मिर्चैयाका मेयरसहित विभिन्न पार्टीले खडा गरेका प्यानलहरूलाई भारी मतान्तरले हराउँदै आफू नेतृत्वको सिंगो प्यानलसहित विजयी भएका थिए ।

मधेश आन्दोलनबाट राजनीतिमा निरन्तर सक्रिय रहँदै आएका उनी पछिल्लो समय जनहितका विषयमा मिर्चैयामा निरन्तर संघर्ष र आन्दोलन गर्दै आएका छन् ।

कमेन्ट गर्नुहोस्
सम्बन्धित
विवाह पञ्चमीको तयारी गर्न मुख्यमन्त्री सिंहको निर्देशन

जनकपुरधाम : मधेस प्रदेशका मुख्यमन्त्री सतिशकुमार सिंहले यही मड्सिर २१ गते जनकपुरधाममा मनाइने राम सीताको विवाह महोत्सव अर्थात् विवाह पञ्चमीलाई व्यवस्थित बनाउन सम्बन्धित निकायलाई निर्देशन दिनुभएको छ । मुख्यमन्त्री तथा मन्त्रिपरिषद् कार्यालयको आयोजनामा विवाह पञ्चमी महोत्सव तयारी सम्बन्धमा आज यहाँ आयोजित बैठकमा उहाँले सो निर्देशन दिनुभएको हो । मुख्यमन्त्री सिंहले भारतको अयोध्याधामबाट आउने जन्ती तथा […]
द्वन्द्वपीडित भन्छन्-‘घर गुजारा चलाउन पनि कठिनाइ भयो’

नेपालगञ्ज : सशस्त्र द्वन्द्वका क्रममा पीडित भएकाहरूले दैनिक रूपमा घर गुजारा चलाउन र नियमित औषधि सेवनमा समेत कठिनाइ भएको गुनासो गरेका छन् । विस्तृत शान्ति सम्झौता, सङ्क्रमणकालीन न्याय र द्वन्द्वपीडितको न्यायका सवालमा आज यहाँ आयोजना गरिएको अन्तरक्रियामा उहाँहरूले शान्ति प्रक्रिया टुङ्गोमा नलाग्दा वास्तविक पीडितले राहत, पुनःस्थापनालगायत सेवा पाउनबाट वञ्चित भएको बताउनुभएको छ । नेपालगञ्जकी द्वन्द्वपीडित […]
बहत्तर चलचित्रकर्मीलाई ‘विशिष्ट चलचित्रकर्मी परिचयपत्र’ प्रदान

काठमाडौँ : चलचित्र विकास बोर्डले ७२ चलचित्रकर्मीलाई ‘विशिष्ट चलचित्रकर्मी परिचयपत्र’ प्रदान गरेको छ । आज चलचित्र विकास बोर्डको सभाहलमा आयोजित ‘विशिष्ट चलचित्रकर्मी परिचयपत्र वितरण कार्यक्रम’ मा सञ्चार तथा सूचना प्रविधिमन्त्री पृथ्वीसुब्बा गुरुङ, सञ्चार तथा सूचना प्रविधि मन्त्रालयका सचिव राधिका अर्याल र चलचित्र विकास बोर्डका अध्यक्ष दिनेश डिसीले ‘विशिष्ट चलचित्रकर्मी परिचयपत्र’ प्रदान गर्नुभएको हो । मन्त्री […]