बोदे बर्साईन(सप्तरी)। सप्तरीको बलान बिहुल गाउँपालिका- १ मलहनियाँमा १२ कोठे पशु अस्पताल भवनको शिलान्यास गरिएको छ ।
पालिका अध्यक्ष खेमचन्द्र यादवले उक्त भवनको शुक्रबार शिलान्यास गरेको छ । बलान बिहुल गाउँपालिकाले ‘ ग्रामीण उद्यम तथा आर्थिक विकास आयोजना , आर्थिक कोरिडोर कार्यालय बर्दिवासको कार्यक्रम’ अन्तर्गत पशु अस्पतालको शिलान्यास गरेको हो ।
शिलान्यास कार्यक्रममा अध्यक्ष यादवले तोकिएको समयभित्र भवन निर्माण सम्पन्न गरी पालिकाका किसानले प्रत्यक्ष लाभ लिन विश्वास व्यक्त गरे ।
२ करोड ३५ लाख ८५ हजार रुपैयाँको लागतमा पशु अस्पताल भवन निर्माण गर्न लागिएको गाउँपालिकाले जनाएको छ ।
गाउँपालिकाका प्रमुख प्रशासकीय अधिकृत अमरेन्द्र कुसयैतका अनुसार यो निर्माणाधीन पशु अस्पताल निर्माण यहि वर्ष सम्पन्न हुनेछ । पशु अस्पताल भवन निर्माण भएलगत्तै गाउँपालिकाले सेवा संचालनमा ल्याउन बताउनु भयो ।
बलान बिहुलले सुरु गरेको पशु अस्पताल बनेपछि बलान बिहुल सहित सुरुङ्गा नगरपालिका, बोदे बर्साईन नगरपालिका स्थानीय पशुपालका किसानले लाभ लिने बताएको छ ।
पशु अस्पताल निर्माण कार्यको ठेक्का आशिष पृथ्वीभी जे.भी काठमाण्डौले पाएको छ । वि.सं. २०८० जठ २८ गते सम्झौता अनुसार २०८१ असार १७ गते सम्मा भवनको निर्माण कार्य सकाई गाउँपालिकालाई हस्तान्तर गर्नु पर्ने छ ।
