अभिमन्यु पटेल ,रौतहट ।रौतहटको बौद्धीमाई नगरपालिकाको वडा नं ६ पिपरिया टोलमा नेपाली काँग्रेस पार्टीका युवा नेता तथा समाजसेवी राजन जयसवालको विशेष पहलमा नि:शुल्क आँखा शिविर भएको छ ।
नि:शुल्क आँखा शिविर उद्घाटन गर्दै पूर्वमन्त्री तथा रौतहटको क्षेत्र नं २ का सांसद मो. अफताब आलमले मानिसको शरीरमा सबभन्दा सम्बेदन शिल र अमुल्य अंग आँखा नै हो जसबाट अन्धयारोमा पनि प्रकाश दिने गर्छ जसले गर्दा हामी आफ्नो जतिसुकै कठिनाइ कार्यलाई सजिलोसँग गर्न सकिरहेको बताए ।
जनताको हकहितका लागि यो शिविर एकदमै वर्तमान समय सापेक्ष अति आवश्यक हुनाले समाजमा बस्ने पहुच नभएको बृद्धबृद्धा र असहाय गरिबको हितमा उत्तम रहेको छ । विकासको रूपमा यसलाई पनि हामीले लिनु नै पर्छ भने बताए ।
नेपाल नेत्र ज्योति संघ रौतहटको आयोजनामा संचालित शिविरमा ४ सय ५० जनाको आँखा चेकजाँच गरिएको थियो । सो मध्ये मोतिया बिन्द रोग २ सयमा देखिएको सबै बिरामीहरूको सम्पूर्ण सेवा सुविधा नि:शुल्क दिने युवा नेता तथा समाजसेवी जयसवालले जानकारी गराएका छन्।
तत्कालीन स्थानीय तहका निर्वाचनमा युवा नेता समाजसेवी राजन जयसवालले जनताको बिचमा मेयर पदका लागि पनि निर्वाचनमा प्रत्यासी समेत बनेको थियो । अहिले कुनै पदमा नभएपनि जयसवालले आफ्नो नगरभित्रका जनताहरूको कुनै पनि समस्यालाई आफ्नो समस्या सम्झेर दिनरात खटि समाजिक कार्यमा राम्रो भुमिका निर्वाह गर्दै आएका छन ।
