मनोज बनैता,सिरहा । लामो समयदेखिको खडेरीका कारण धान खेतमा चिरा परेर तनाब झेल्दै आएका सिरहालगायत पुर्वी मधेसका किसान गएराति वर्षा भएपछि हर्षित भएका छन ।
राति पानी परेपछि ठूलो राहत भएको किसानले बताएका छन् । पानी परेर खुसी भएका सिरहा र सप्तरीका किसान ढिलै भएपनि आज बिहानैदेखि मल खाद छर्न जुटेका छन् ।
सिरहा र सप्तरीका अधिकान्स खेतीयोग्य जग्गामा सिचाईको अभाव रहेको छ । आकाशे पानीमा निर्भर रहेका यी किसान समयमा वर्षा नहुदा डिहवार बाबा र गोसाइँ बाबालाई पुज्ने गर्छन ।
सिंचाइ सुविधामै खटिने कर्मचारीका लागि मासिक २५ लाख ३५ हजार रुपैयाँ खर्चिंदै आए पनि सुविधा भने किसानले पाउन नसकेको सरोकारवालाको भनाइ छ ।
