जनकपुरधाम । जनमत पार्टीका राष्ट्रिय परिषद अध्यक्ष डा.जयकान्त राउतले भारदह बहुमुखी क्याम्पसको शैक्षिक तथा प्रशासनिक भवनको शिलान्यास गरेको छ।
हनुमान नगर कंकालिनी नगरपालिका-१ स्थित वीपी बिद्यालयको हाताभित्र भारदह बहुमुखी क्याम्पसको भवन निर्माण कार्यको सप्तरी निर्वाचन क्षेत्र नं.१ का प्रतिनिधि सभा सदस्यको प्रत्यासी तथा राष्ट्रिय योजना आयोगका पुर्व सदस्यसमेत रहेका नेता डा.राउत्ले आइतबार एक कार्यक्रमबीच शिलान्यास गरेका हुन् ।
निर्माण हुन लागेका क्याम्पसको शैक्षिक र प्रशासनिक गरी कुल ३५ कोठा रहने गरि दुईवटा भवन तिनतले बन्ने हनुमान नगर कंकालिनी नगरपालिकाका नगरप्रमुख बिरेन्द्र माझीले बताए । नगरप्रमुख माझिका अनुसार कुल ११ करोड़ ३१ लाख लागतमा सो भवन निर्माण हुन लागेको उनले न्यूजमधेशलाई बताए।
सो भवन बस्नेत/उदय जेभी सिनामंगल काठमांडौले ७ करोड़ ८८ लाखमा निर्माण गर्ने ठेक्का प्राप्त गरेको हो ।
सो भवन शिलान्यास कार्यक्रममा मधेश प्रदेश सभाका अर्थ तथा योजना समितिका सभापति तथा प्रदेश सांसद सतिश कुमार सिंह,प्रदेश सांसद सकिल अलि,नगरप्रमुख वीरेन्द्र माझीले हनुमाननगर कंकालिनी नगरपालिकालाई शैक्षिक हबको रूपमा विकसित गरिने एकमुष्ठ प्रतिबद्धता व्यक्त गरेको छ।
