जनकपुरधाम । मधेश प्रदेश लोकसेवा आयोगको अध्यक्षमा डा.शिवराम यादवले पद तथा गोपनियताको शपथ ग्रहण गरेका छन् ।
मधेश प्रदेशका मुख्यमन्त्री सतिश कुमार सिंहको बिहीबार गरेको सिफारिसमा प्रदेश प्रमुख सुमित्रा भण्डारीले डा.यादवलाई प्रदेश लोकसेवा आयोगको अध्यक्षमा नियुक्त गरेकी थिइन्।
आज नवनियुक्त अध्यक्ष डा. यादवलाई प्रदेश प्रमुख भण्डारीले शपथ ग्रहण गराएका हुन् ।
५७ वर्षीय यादव सिरहा जिल्लाको सिरहा नगरपालिका वडा नम्बर १३ गम्हरिया निवासी हुन् । गत फागुनमा उमेर हदको कारण मधेश प्रदेश लोकसेवा आयोगका तत्कालीन अध्यक्ष सुरेन्द्र प्रसाद यादव पदमुक्त भएपछि सो पद रिक्त थियो ।
