जनकपुरधाम,२३ साउन । मधेश प्याब्सनको केन्द्रिय कार्यसमिति जनकपुरधामले मधेश प्रदेशको माननीय मुख्यमन्त्री सतिश कुमार सिंहलाई उच्च सम्मान गरी शैक्षिक सुधारको लागि अनुरोध गरेका छन् ।
मधेश प्याब्सनको केन्द्रिय अध्यक्ष प्रा.अमरेन्द्र कुमार झा,केन्द्रिय सचिव प्रा.पवन कुमार साह,केन्द्रिय सदस्य ममता पाठक,मधेश प्रदेशको संयोजक मुरारी लाल कर्ण तथा धनुषा जिल्ला अध्यक्ष सुजित मिश्रले सँयुक्त रुपमा आमुख्यमन्त्री सिंहलाई गुलदस्ता,सौल तथा जानकी मन्दिरको तस्वीर अंकीत मायाको चिनोले उच्च सम्मान गरेका छन् ।
केन्द्रिय अध्यक्ष झाले मधेश प्रदेशको शैक्षिक सुधार,परीक्षा प्रणालीमा सुधार तथा स्थानिय सरकार मार्फत शैक्षिक गुठी अन्तर्गत नयाँ विद्यालय संचालन तथा संरक्षण गर्नको लागि मुख्यमन्त्री सिंहलाई आग्रह गरेका छन् ।
अहिलेको वर्तमान एस.ई.ई.परीक्षाको परीक्षाफल प्रति चिन्ता व्यक्त गर्दै मुख्यमन्त्री सिंहले सबै सरोकारबालाहरुको राय सल्लाह लिई यसको सुधारको लागि मधेश प्रदेशको ८ वटै जिल्लाहरुका पालिका प्रमुख तथा शिक्षा शाखासँग समन्वय गरी प्रदेश शिक्षा नीति समेत ल्याई अघि बढने बताए ।
मधेश प्रदेशको शिक्षा सुधारको जिम्मा नीजि विद्यालयका संगठनहरुको समेत रहेकोले अन्य प्याब्सन सहित मधेश प्याब्सनले समेत यसमा सहयोग तथा सल्लाह दिन मुख्यमन्त्री सिंहले आग्रह गरे।
