वीरगञ्ज, ३० साउन । राष्ट्रिय आविष्कार केन्द्रले वीरगञ्जको कृषि औजार कारखानाको सञ्चालन र व्यवस्थापनको जिम्मेवारी लिएको २२ महिनाको अवधिमा डेढ दर्जन साना–ठूला कृषि औजारको अनुसन्धान तथा विकास गरेको जनाएको छ ।
केन्द्रले पराल काट्ने मेसिन, धान काट्ने मेसिन (रिपर) , दाना बनाउने मेसिन, धान रोप्ने सानो मेसिन (रिपर), घाँस खुर्किने, ड्याङ बनाउने मेसिन, खाल्डो खन्ने हातेऔजार, आलु रोप्ने, आलु गोड्ने, घाँस तथा पराल काट्ने (चाप कटर) , साना ट्याक्टरमा राख्ने कल्टिभेटर, हाते प्रेस मेसिन, धान काट्ने सानो मेसिन, प्लास्टिक ओछ्याउने र केराको फाइबर निकाल्नेलगायत कृषि औजार तयार पारिसकेको छ ।
केन्द्रले यसका लागि करिव रु दुई करोड खर्च भएको जनाएको छ ।
