न्यूजमधेश सम्बादाता
काठमाण्डू,१९ फाल्गुण। कोरोना भाइरसको आशंकमा चार जनालाई अस्पतालमा भर्ना गरिएको छ । आईतबार काठमाडौंको टेकुस्थित शहीद शुक्रराज ट्रपिकल तथा सरुवा रोग अस्पतालको आइसोलेसन वार्डमा कोरोना आशंकामा चार जनालाई भर्ना गरिएको हो ।
अस्पताल श्रोतका अनुसार एक जना चीनबाट र तीन जना कोरियाबाट आएका फर्केका नेपाली हुन् । चारै जना पुरुष हुन् । कोरोना प्रभावित देशबाट आएको र ज्वरो आएको भन्दै आएपछि उनीहरुलाई आइसोलेसनमा राखेर चेक जाँच गर्न शुरु गरिएको छ ।
केअि दिनअघि स्वदेश फर्केका उनीहरुलाई घरमै बस्दा ज्वरो आएपछि अस्पतालको सम्पर्कमा आएका छन् ।
दुई महिनाअघि चीनबाट सुरु भएको कोरोना भाइरस अहिले विश्वका ६० भन्दा बढि देशमा फैलिइसकेको छ । दक्षिण कोरिया, इरान र इटालीजस्ता देशहरुमा पनि मानिसको मृत्यु भएपछि विश्व स्वास्थ्य संगठनले उच्च सतर्कता अपनाउन आह्वान गरिसकेको छ ।
