२० चैत्र २०८१, शुक्रबार
04-04-2025 , Fri
×

तस्करी गर्न ठीक पारिएको ७८ हजार मास्कसहित ८ जना प्रहरी नियन्त्रणमा

Logo
प्रकाशित शनिबार, चैत्र ०१, २०७६

न्यूजमधेश सम्बादाता
काठमाडौं, १ चैत्र।कोरोना भाइरसको बहानामा कालोबजारी गर्न जम्मा पारिएको ठूलो परिमाणको मास्कसहित ८ जनालाई नियन्त्रणमा लिएको प्रहरीले बताए ।

महानगरीय प्रहरी परिसर काठमाण्डुका नायब उपरीक्षक होबीन्द्र बोगटीले उनीहरुलाई काठमाण्डुको डल्लुबाट पक्राउ गरिएको जानकारी दिए । पक्राउ परेकाहरुको साथबाट ७८ हजार २ सय ५० वटा मेडिकल मास्क बरामद भएको उनले बताए ।

पक्राउ पर्नेमा काभ्रे रोशी गाउँपालिका-९ का मानकाजी लामा, गणेश तामाङ, रामेछापका शिव खड्का, बाजुराका थुमराज उपाध्याय र न्रिप कार्की छन् । यस्तै अन्यमा काठमाण्डु नागार्जुन–२ का अनिश कार्की र उज्जवल अधिकारी तथा मास्क गोदामका मालिक काभ्रेका मिन्टु लामा छन् । उनीहरुले बजारमा प्रगिगोटा ३ रुपैयाँमा पाइने सर्जिकल मास्क उठाएर तस्करीमा ५० रुपैयाँका दरले बेच्ने तयारी गरिरहेको गोप्य सूचनाका आधारमा प्रहरीले गोदाममा छापा मारेको थियो ।

कोरोना भाइरस (कोभिड–१९) को नाममा राजधानीमा मास्क तस्करी बढेपछि प्रहरीले सक्रियता बढाएको हो । यसअघि राजधानीका दर्जन बढी मेडिकल सञ्चालकलाई बढी मूल्यमा मास्क बिक्री गरेको आरोपमा पक्राउ गरी १ लाखदेखि २ लाख रुपैयाँसम्म जरिवाना गरिएको थियो ।

कमेन्ट गर्नुहोस्
सम्बन्धित

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]

सिराहा : सिराहाको औरही ५ मा दीपक मलिकको घर भत्काइएको घटनाको प्रदेश सांसदद्वाय माननीय संजय कुमार यादव र जिवछी कुमारी यादवले संयुक्त रूपमा अनुगमन गरेको छ। अनुगमनका क्रममा घटनास्थलमै पुगेका उनीहरूले प्रदेश सरकारको तर्फबाट आवासको ग्यारेन्टी समेत गरेका छन्। मधेस प्रदेश सरकारबाट सञ्चालन हुने मदन भण्डारी आवास कार्यक्रम अन्तर्गत दुई कोठाको घर, किचन, बाथरूम लगायतको […]

सिराहा : धनगढीमाई नगरपालिका ८ सिराहामा तरकारी सङ्कलन केन्द्र तथा तरकारी बजारको लागि स्टल निर्माण कार्यको शिल्यानास भएको छ। जनमत पार्टीकी सांसद माननीय बिनिता कुमारी सिंह ज्यूको प्रमुख अतिथ्य तथा धनगढीमाई नगरपालिकाको नगर अध्यक्ष शिवशंकर महतोको उपस्थितिमा आज एक कार्यक्रम बीच उक्त कार्यको शिलान्यास भएको हो। सहरी विकास मन्त्रालय अन्तरगत सहरी विकास तथा भवन निर्माण […]