न्यूजमधेश सम्बादाता
जनकपुरधाम ,१८ चैत्र । धनुषाको सबैला नगरपालिका १२ बडकुर्वाका मुसहर समुदायलाई सोमबार नियमित हात धुनका निम्ति साबुन र प्रयोग गर्न मास्क प्रदान गरिएको छ ।
यहाँका सय परिवार मुसहर समुदायलाई भोर अनुसन्धानमा आधारीत अभियानी तथा परोपकारी संस्थाद्वारा मास्क र साबुन बितरण गरिएको हो । प्रति परिवार ५ थान माक्स र दुई थान साबुन बितरण गरिएको हो ।
कोरोनाको संक्रमण फैलिन नदिन सुरक्षा सतर्कता अपनाउन आग्रह गर्दै उनीहरुलाई मास्क र साबुन बितरण गरिएको भोरका कोषाध्यक्ष पचुलाल माझी मुसहरले जानकारी दिए ।
सामग्री प्रदान गर्दै कोरोना भाइरसबाट बच्न साबुन पानीले मिचिमिचि हात धुनुपर्ने र माक्स लगाई कम्तिमा ३ फिटको दुरीमा बस्नुपर्ने सन्देश समेत प्रवाह गरिएको उनले बताए ।
सामाजिक दुरी कायम गर्दै भोरका केन्द्रीय सदस्य सरोज प्रसाद दुलाल, वडा अध्यक्ष प्रदिप महतो, दलित अगुवा राजेन्द्र सदा, समाजसेवी दिपु कुवरको रोहवरमा प्रत्येक घर घरमा पुगी मास्क बितरण गरिएको उक्त संस्थाले जनाएको छ ।
