न्यूजमधेश सम्बादाता
जनकपुरधाम ,२४ चैत्र ।विश्वव्यापी रुपमा फैलिरहेको कोरोना भाइरस बिरुद्ध नेपाल र भारतमा लकडाउन गरिएको बेला भारत सरकारले एक्यबद्धता जनाउन राती ९ बजे दियो बाल्न गरेको आव्हानको प्रभाव जनकपुरधाम लगायत प्रदेश २ का सबै जिल्लामा परेको छ ।
तर भारतमा दियो मात्रै बालिएपनि प्रदेश २मा पटखा आतंक नै मच्चाइएको थियो ।नेपाली समय अनुसार सवा नौ बजे रातीदेखि सुरु भएको पटाखा पड्काउने क्रम साढे नौ बजे रातीपछि पनि चलेको थियो ।
भारतीय प्रधानमन्त्री नरेन्द्र मोदीले भारतीय समय ९ बजेदेखि ९ मिनेट सम्म घरको बती निभाएर दियो जलाउन आव्हान गरेका थिए ।
त्यस अनुसार प्रदेश २को अस्थायी राजधानी जनकपुरधाममा पनि व्यापक परेको थियो ।तर भारतको राजधानी दिल्लीमा समेत नभएको आतिशबाजी गरेर यहाँ आतंक फैलाइएको थियो ।
दिपावली र छठ पर्वमा पड्काइने पटाखा बिहावारी लगायत विजयोत्सव मनाउने बेला पटाखा पडकाइने गरिन्छ ।तर नेपालमा त्योपनि कानुनी रुपमा अपराध हो ।
प्रहरीले पटाखा पड्काएको अभियोगमा एकजनालाई पक्राउ गरेकोछ ।धनुषाका प्रहरी प्रमुख एसपी रमेश कुमार बस्नेतले पटाखा पड्काउनेहरुको ब्यापक खोजतलाश गरिएको बताउँदै एकजनालाई नियन्त्रणमा लिएको बताए ।
कोरोना भाइरसको संक्रमण फैलिने त्रासमा रहेका मानिसहरुलाई पट्खा पड्काएर थप आतंकित बनाइएको थियो ।असमयमा यतिको पटाखा जनकपुरधाममा हुनु समान्य भने होइन् ।
