न्यूजमधेश सम्बादाता
जनकपुरधाम ,१३ बैशाख।।मारवाडी सेवा समिति जनकपुरले शुक्रवार रक्तदान गरेकोछ ।समितिको भातृ संगठन मारवाडी युवा मञ्चले आयोजना गरेको रक्तदान कार्यक्रममा ५३ जनाले रक्तदान गरेको मञ्चका अध्यक्ष मौसम बजाजले जनाए ।
प्रादेशिक अस्पताल परिसरमा रहेको रेडक्रसको ब्लड बैंकमा रगतको अभाव देखिएपछि युृवा मञ्चले रक्तदान कार्यक्रमको आयोजना गरेका थिए ।समाजका युवा, महिला, पुरुषले समाजिक दुरीको अनुशासनलाई पालनागर्दै रक्तदानमा सहभागिता जनाएको अध्यक्ष बजाजले बताए । सेवा समितिले साढे ४ सय विपन्नलाई भोजन गराएको छ ।पाँचदिन देखि नियमित रुपमा सञ्चालित निशुल्क भोजन बिहान ११ बजेदेखि दिउँसा २ बजे सम्म चल्ने गरेकोछ ।निशुल्क भोजनमा दिनदिनै सहभागिता बढदै गएको समितिका अध्यक्ष ललित कुमार बजाजले जनाए ।
कोरोना भाइरसको कहर सित लडन जनकपुरधाम उपमहानगरपालिकाले स्थापना गरेको राहत कोषमा मारवाडी सेवा समितिले १ लाख १ हजारको सहयोग गरेको छ ।समितिका अध्यक्ष बजाज लगायतका पदाधिकारीहरुले सहयोग राशी १ लाख १ हजारको चेक उपमहानगरपालिकाका मेयर लालकिसोर साहलाई प्रदान गरे ।लकडाउनको पालना गराउन नगर क्षेत्रमा तैनाथ सुरक्षाकर्मीहरुलाई दिउँसो पानी, चाउचाउ, बिस्कुट कार्यस्थलमा नै पु¥याउन समितिले दुईवटा स्कुटरबाट सेवा उपलब्ध गराएकोछ ।स्कुटरबाट पानी, चाउचाउ, बिस्कुट लगायतका समानहरु सुरक्षाकर्मीलाई यथास्थानमा नै पु¥याएर सहयोग गरिरहेको अध्यक्ष बजाजले बताए ।
