मनोज बनैता, सिरहा, २४ बैशाख । तत्कालीन राजपा अध्यक्ष मण्डलीका सदस्य राजेन्द्र महतोको दोहोरो चरित्रको कारण मधेस केन्द्रित दल बिच एकीकरण रोकिएको खुलेको छ । सदभावनामा स्थापना काल देखि नै लागेका सप्तरी बलान बिहुल गा.पा का कामेश्वर यादव तत्कालीन राजपाका स्थानीय नेता हुन । उनले मधेसी दलबिच एकतामा बाधकको रुपमा राजेन्द्र महतो भएको दावी गरेका छन ।
यादवले भने ‘ नेता महतो को महत्वाकांक्षा को सिमा फराकिलो भएको कारणले नै एकीकरण प्रक्रियामा ढिलाई भएको हो । उनले आफू र आफ्नालाई राजनैतिक मैदानमा पद र वर्चस्वको साथ अवतरण गर्ने बहानामा समयलाई लमक्याउदै गयो । आखिर अहिले आएर अध्यादेश नामक राजनैतिक औजारको अगाडि सरेन्डर गर्नै पर्यो ।’ आरोपको बिषयमा कुरा गर्न खोज्दा नेता महतो ले फोन काटे ।
यादव ले राजपा र संघिय समाजवादी पार्टी बिच भएको एकता एक ऐतिहासिक निर्णय भएको ले स्वागत गर्दै अब अगामी दिनमा सबै नेतालाई आ-आफ्नो निहित स्वार्थलाई त्याग्दै स्थानिय स्तर सम्म समायोजनको प्रक्रियामा जान आग्रह गरेका छन ।
