मनोज बनैता, सिरहा, १० जेठ । सप्तरीमा थप एक जनामा कोरोना संक्रमणको पुष्टि भएको छ । भर्खरको संक्रमीत संगै कोभिड १९ का बिरामी जम्मा २ जना भएको खबर छ ।
बलान बिहुल गा.पा ४ का अनुमानित ३५ वर्षीय एक युवकमा संक्रमणको पुष्टि भएको स्वास्थ मन्त्रालयले जनाएको छ । संक्रमीत युवक भारतको दिल्लीबाट आफ्नो पत्नीका साथ आएको खुलेको छ । उनीलाई गा.पा स्थित स्थानीय क्वारेन्टाइनमा राखिएको थियो । संक्रमीत युवकको स्वाब संकलन गरी परीक्षणकालागि विपी कोइराला स्वास्थ्य विज्ञान प्रतिष्ठान पठाईएको थियो ।
प्राप्त जानकारी अनुसार संक्रमित युवकलाई राजविराज स्थित गजेन्द्रनारायण सिंह अस्पतालको आइसोलेसनमा ल्याउने तयारी भईरहेको छ ।
यसअघि गत वैशाख २९ गते डाक्नेश्वरी नगरपालिका नम्वर–३ का एक १८ वर्षिय युवकमा कोरोना पोजेटिभ देखिएको थियो । उनलाई अस्पतालकै आइसोलेसनमा राखेर उपचार भईरहेको छ ।
