न्यूजमधेश डेस्क
राजविराज ,६ असार । भारतमा नेपाली झण्डा जलाउने व्यक्तिको सप्तरी सदरमुकाम राजविराजमा पुत्ला जलाइएको छ । नेपाली झण्डा जलाउने भारतीय ओबिसी पार्टीको झण्डा समेत युवाहरुले जलाएका छन् ।
नेपाली झण्डा जलाएको आक्रोशमा युवाहरुले झण्डा जलाउने सलीम अन्सारी र इसरार अहमदको पुत्ला जलाएका हुन् । युवाहरुले यी दुबैको पार्टी ओबिसीको झण्डा पनि जलाएका छन् ।
राजविराजको जनआन्दोलन चोकमा भेला भएका युवाले अन्सारी र अहमदको पुत्ला जलाउँदै उक्त पार्टीको झण्डा जलाएका हुन् ।
नेपालको झण्डा बोकेका युवाहरुले नेपाल आमा जिन्दावाद, नेपालको झण्डा जलाउने मुर्दावाद भन्ने नारा लगाएका थिए ।
दुई देशको सीमा विवाद आफ्नो ठाउँमा भएपनि पुत्ला र पार्टीको झण्डा जलाउने कार्य राम्रो नभएकाले हामीले ती व्यक्तिको पुत्ला जलाएको युवाहरुले बताएका छन् ।
नेपाल नरसिंह हिन्दू सेना नेपालद्वारा पुत्ला जलाइएको हो । सेनाका राहुल राज साहले भने, “हाम्रो भावना हाम्रो देशको झण्डा हो । हाम्रो भावनामाथि कसैले खेलबाड नगरोस् ।”
हामी भारतको झण्डा जलाउँदैनौं तर, जुसले हाम्रो झण्डा जलाएका छन् हामी त्यसको झण्डा जलाउँछौं उनले भने ।
