जनकपुरधाम, ९ असार। धनुषाको औरही गाउपालिका प्रमुख प्रशासकीय अधिकृतलाई कालोमोसो दले पछि त्यहाँको अवस्था तनावग्रस्त भएको छ । प्रशासकीय अधिकृत संन्तोष शर्माले भ्रष्टाचार गरेको भन्दै स्थानीयले कालोमोसो दलेको जानकारी प्राप्त भएको छ ।
काम गराउनको लागि कमिसन नदिएको निहुँमा बजेट फ्रीज गराउन खोजेको स्थानीयको आरोप रहेको छ । निर्माण कामका लागि उपभोक्ता समिति संग कमिसन बापत मोटो रकम माग्ने र न दिदा रकम निकासा नगर्ने भन्ने स्थानीय जनसमुदायको व्यापक असन्तुष्टि रहेको छ ।
प्रदेश २ सांसद उमा शंकर अरगरियाद्वारा क्षेत्र २ मा मण्डल सेवा समिति निर्माणको लागि दिईएको ५० लाख बजेटमा अधिकृत शर्माले कमिशन मागेको आरोप छ । टेन्डर पार्ने ठेकेदारले कमिशन बापत ७५ हजार दिएको तर पछि शर्माले अझै २५ हजार दिनुपर्ने अडान कसेको एक स्थानीयले बताउँछन् । पछिको बाकी रकम नदिदा अधिकृत शर्माले उक्त टेन्डर रद्द गरेको हुँदा स्थानिय आक्रोसित भई उनलाई कालोमोसो दलेको खबर प्राप्त भएको छ ।
