गोबिन्द ठाकुर
जनकपुरधाम ,१४ श्रावण । धनुषाको औरही गाउपालिका वडा नं ५ हरुसाहामा स्थानीय पूर्वाधार विकास साझेदारी कार्यक्रम अन्तर्गत १० लाखको लागतमा सोनाई बाबा भजन किर्तन मण्डली भवन र घेरबेरा बनाई आज एक कार्यक्रमका बिच उद्घाटन गरेको छ।
कार्यक्रमका प्रमुख अतिथि जनता समाजवादी पार्टीका प्रमुख सचेतक एवम् धनुषा निर्वाचन क्षेत्र नं २ का प्रतिनिधि सभा सदस्य माननीय उमाशंकर अरगरियाले आज एक कार्यक्रम विच भवनको रिवन काटेर उद्घाटन गर्नुभएको हो।
यस अघि भजन किर्तन व्यक्तिको घरमा गरिदै आएको र व्यक्तिको घरमा भजन गर्दा धेरैनै नकारात्मक टिक्काटिपणी भएको दुख पोख्दै आज सांसद अरगरियाले भवन बनाएर सम्पुर्ण गाउँबासी धार्मिक आस्था राख्ने जनतालाई खुसी प्रदान गर्नु भएको छ ।
सो कार्यक्रममा जसपाका औरही गाउपालिका प्रमुख कमल देव मण्डल ,युवा नेता बिनोद रोहिता ,प्रमोद अधिकारि ,समाजसेवी सरोज मण्डल ,हबिब मन्सुरी लगायतका उपस्थिति रहेको थियो ।
उपभोक्ता समितिको अध्यक्ष हरि शंकर मण्डलको अध्यक्षतामा कार्यक्रम सम्पन्न भएको छ ।
