न्यूजमधेश डेस्क
जनकपुरधाम,१९ भदौ । धनुषाको एक विद्यालय परिसरमा धान खेती गरिएको छ । जिल्लाको कमला नगरपालिका वडा नं ५ लक्कडस्थित नथुनी गोइत निम्न माध्यमिक विद्यालयको परिसर भित्रै करिव ६ कठ्ठा जग्गामा धान खेती गरिएकोछ ।
स्थानिय अशेश्वर यादवले विद्यालयको जग्गामा धान अनाधिकृत रुपमा रोपेको देखिएको छ । विद्यालयको जग्गामा धान खेती बारे उनले विद्यालय व्यवस्थापन समितिको सहमतिमै धान रोपेको बताउँछन ।
यादवका अनुसार विद्यालयको कम्पाउण्डमै स्थानिय वालबालिकाहरु फोहोर गर्दै आएको छ । फोहोर हुन नदिनको लागि विद्यालय व्यवस्थापन समितिको सहमतीमै धान रोपेको वताए ।
यता विद्यालयको विद्यार्थी खेल्ने मैदानलाई धान खेतको रुपमा परिणत गर्दा पनि ध्यान किन नदिएको भनि वडाध्यक्ष शिवा पासवानसंग प्रश्न गर्दा उनले यस सम्वन्धमा बोल्न मानेनन ।
विद्यालयको जग्गा सार्वजनिक रहेको र यसलाई अनाधिकृतरुपमा कुनै पनि प्रयोजनको लागि प्रयोग गर्न नपाइने भएपनि व्यवस्थापन समितिले किन प्रयोग गर्न दियो भन्ने समितिकै एक पदाधिकारी तिरपीत गोइत संग प्रश्न गर्दा विद्यालय अहिले वन्द अवस्थामा रहेकोलेधान खेती गर्नका लागि स्थानिय अशेश्वर यादवलाई प्रयोग गर्न दिइएको बताए ।
यता विद्यालयलाई धान खेतमा परिणत गरेको सम्वन्धमा विद्यालयका प्रअ नविन गोइतले प्रतिक्रिया जनाउन चाहेनन ।
