न्यूजमधेश डेस्क
कलैया , २७ पुस। बारा जिल्लाको आदर्श कोटवाल गाउँपालिका- १ महेन्द्र आदर्श जयनगर चिउटाहास्थित श्री राम चरित्र माध्यमिक विद्यालयमा आइतबार राति चोरी भएको छ ।
विद्यालयमा रहेको तिन वटा कम्प्युटर सेट चोरी भएको विद्यालय व्यस्थापनले जानकारी दिएको छ । विद्यालयमा रहेको कोटाको झ्यालको रड भाचेर ३ वटा मोनिटर र ३ वटा सिपियु चोरी भएको विद्यालयका प्राचार्य दिनेश प्रसाद साहले बताए ।
कम्प्युटर चोरी हुँदा विद्यार्थीहरुको कम्प्युटरको कक्षा सञ्चालन हुनसकेको छैन । विद्यार्थीको परिक्षाको नतिजालगायतका महत्वपूण डेटा कम्प्युटरमा रहेकोले समस्या उत्पन्न हुनसक्ने बताउँदै प्रचार्य साहले चिन्ता व्यक्त गरे ।
यसअघि पनि विद्यालयमा चोरी भएको थियो । विद्यालयमा कोरोनाभाइरस नियन्त्रण गर्न क्यारेन्टाइन सञ्चालन भएको बेला वैशाखमा सिसिटिभि क्यामराको रिसिभर, इन्भटरका व्याट्रि र कम्युटर चोरीको थियो । सिसि क्यामेरा चोरी भएको कारण अहिले चोरलाई पता लगाउँन समस्या हुने प्रहरीले जनाएको छ ।
इलाका प्रहरी कार्यालयका सई दिलिप कुमार मिश्राले घटनाका विषयमा अनुसन्धान चलिरहेको बताए ।
